पोर्चुगलमा बसोबास गर्ने विदेशी नागरिकहरूका लागि नागरिकता (citizenship) सम्बन्धी नियममा ठूलो परिवर्तन आएको छ। नयाँ संशोधित nationality law लाई ३ मे २०२६ मा राष्ट्रपति द्वारा औपचारिक रूपमा हस्ताक्षर (promulgate) गरिएको छ, जसले नागरिकता प्राप्त गर्ने समयावधिलाई उल्लेखनीय रूपमा बढाएको छ।
नयाँ व्यवस्थाअनुसार अब पोर्चुगलको नागरिकता प्राप्त गर्न आवश्यक न्यूनतम बसोबास अवधि पहिलेको ५ वर्षबाट बढाएर १० वर्ष पुर्याइएको छ, भने European Union तथा Portuguese-speaking देश (CPLP) का नागरिकहरूका लागि यो अवधि ७ वर्ष तोकिएको छ। यस परिवर्तनले विशेष गरी नेपालजस्ता गैर-EU देशका आप्रवासीहरूलाई प्रत्यक्ष असर गर्ने देखिन्छ।
यससँगै अर्को महत्वपूर्ण व्यवस्था पनि गरिएको छ—अब नागरिकता प्राप्त गर्न आवश्यक residence अवधि गणना गर्दा पहिले जस्तो आवेदन दिएको मितिबाट नभई residence permit (AIMA कार्ड) जारी भएको मितिबाट गणना गरिनेछ।
सरकारका अनुसार यो परिवर्तन बढ्दो आप्रवासनलाई व्यवस्थित गर्ने र नागरिकता प्रक्रियालाई अझ कडा तथा पारदर्शी बनाउने उद्देश्यले ल्याइएको हो।
यद्यपि, राष्ट्रपति द्वारा हस्ताक्षर भइसके पनि यो कानून पूर्ण रूपमा लागू हुनका लागि आधिकारिक रूपमा Diário da República (सरकारी राजपत्र) मा प्रकाशित हुन आवश्यक हुन्छ। जबसम्म यो प्रक्रिया पूरा हुँदैन, हालसम्मको ५ वर्षको पुरानो नियम लागू रहन सक्छ।
यसैबीच, ५ वर्ष पूरा गरिसकेका आप्रवासीहरूलाई ढिलो नगरी नागरिकताका लागि आवेदन दिन सुझाव दिइएको छ, किनकि नयाँ व्यवस्था लागू भएपछि १० वर्षको प्रावधान लागू हुन सक्ने सम्भावना रहेको छ।
यो संशोधनलाई पोर्चुगलको नागरिकता सम्बन्धी कानूनमा पछिल्लो समयकै सबैभन्दा ठूलो परिवर्तनको रूपमा हेरिएको छ, जसले हजारौं आप्रवासीहरूको भविष्य, योजना र बसोबासमा प्रत्यक्ष प्रभाव पार्ने अपेक्षा गरिएको छ।